Շինարարական կամ վերանորոգման աշխատանքների հիմնական փուլերից մեկը ջեռուցման համակարգի տեղադրումն է, որի շնորհիվ ապահովվում է տան կամ գրասենյակի հարմարավետությունն ու ներքին միկրոկլիման: Առանձնացնենք տարածքի ջեռուցման երեք տեսակ, որոնք արդիական են մեր օրերում.
1.Կենտրոնացված. Այս դեպքում ջեռուցման համակարգը հեռու է տեղադրվում. ջերմությունը խողովակաշարերի միջոցով հասնում է բնակելի և կոմերցիոն տարածքներ: Այս համակարգն ունի շատ առավելություններ, իսկ թերությունն այն է, որ սեփականատերը չի կարող վերահսկել ջերմամատակարարումը: Աշնանը կարող է ցուրտ լինել, իսկ գարնանը՝ չափազանց շոգ։ Ի դեպ, Հայաստանում այժմ կենտրոնացված ջեռուցման համակարգեր չկան։
2.Անհատական. Այս դեպքում սեփականատերն ինքնուրույն կարգավորում է ջեռուցման միացումը, ջերմամատակարարման աստիճանը: Անհատական ջեռուցման համակարգի դեպքում սովորաբար բնակարանի խոհանոցում տեղադրվում է կաթսա (գազով աշխատող կամ էլեկտրական), որն ապահովում է տունը ջերմությամբ և տաք ջրով։
3. Ինքնավար կամ տեղային. Այս տարբերակը նախատեսված է մեկ կամ մի քանի տան համար: Փոքրիկ կաթսայատունը կառուցվում է ոչ շատ հեռու կամ հենց տան տանիքում:Հարկ ենք համարում նշել, որ չնայած բնակարանի և առաձնատան ջեռուցման համակարգերի տարբերություններին, ընդհանուր բաղադրիչներն, այնուամենայնիվ, նույնն են: Դրանք են.
1. Կաթսա՝ ջերմահաղորդիչ մետաղական անոթ, որն աշխատում է էլեկտրականությամբ, գազով, հեղուկով կամ պինդ վառելիքով:
2. Խողովակներ, որոնք ջերմությունը մատակարարվում են մարտկոցներին, կոնվեկտորներին, տաք հատակին կամ օդափոխության համակարգին:
Կախված ջեռուցվող տարածքի աշխարհագրական դիրքից, մեծությունից, դիզայնից, կառուցապատման նյութից՝ մեզանից յուրաքանչյուրը կանգնում է ընտրության առաջ: Վախենո՞ւմ եք սխալվելուց: Կարդացե՛ք մեր հոդվածը և դիմեք մասնագետի:
Ջեռուցման համակարգերի տեսակները
Տան ջեռուցումը դարեր շարունակ եղել է մարդկանց համար կարևոր խնդիր: Սկզբում մարդիկ հայթայթեցին կրակը, սկսեցին տաքացնել իրենց քարանձավները՝ ստեղծելով օջախներ։ Իհարկե, այսօր էլ կարելի է գտնել աղյուսե վառարաններ, փայտի, գազի կամ էլեկտրական բուխարիներ: Ժամանակակից առանձնատներում դրանք հիմնականում օգտագործվում են դիզայներական նպատակներով։
Ընդհանուր առմամբ, կան ջեռուցման համակարգերի մի քանի տեսակներ՝ ջրի, օդի, գոլորշու, ինֆրակարմիր, ջերմային պոմպերի օգտագործմամբ, արևային, էլեկտրական և համակցված: Դիտարկենք դրանցից մի քանիսը.
Ջրային ջեռուցում
Այս տեսակի աշխատանքն այն է, որ տաք կամ եռման (40-ից 95 ºС) ջուրը շրջանառվում է խողովակաշարով: Շրջանաձև (վերին կամ ստորին) բաշխման միջոցով հեղուկը լրիվ պտույտ է կատարում (կաթսայից մինչև մարտկոցներ) և ետ է վերադառնում շրջանառության պոմպի օգնությամբ: Շրջանառությունը բաժանված է երկու խմբի՝ բնական (ձգողական) և հարկադիր (պոմպի ճնշման տակ)։ Տներում իրականացնում են միախողովակ և երկխողովակ գծերի տեղադրում: Մեկ խողովակով համակարգը պարզ և խնայող տարբերակ է, որի դեպքում ամբողջ շենքում օգտագործվում է միայն մեկ տեսակի տեղադրում: Սա խնայում է ֆինանսական ծախսերը, բայց ունի մի շարք թերություններ. բացակայում է յուրաքանչյուր մարտկոցի համար առանձին կարգավորումը, 10-ից ավելի մարտկոցներ անհնար է միացնել, բարձր հզորության պոմպի և ընդարձակման բաքի պարտադիր տեղադրում:
Երկխողովակ համակարգը ժամանակակից տարբերակ է, որը տարբերվում է մեկ խողովակով համակարգից հետադարձ շղթայի առկայությամբ։ Այսինքն՝ հովացուցիչը, շրջան կազմելով, խողովակաշարով վերադառնում է ջեռուցման կաթսա: Նախորդ տարբերակի համեմատ բոլոր թերությունները վերացված են: Այժմ ջեռուցման մարտկոցները կարող են ինքնուրույն աշխատել պոմպի հզորության և ընդլայնիչի շնորհիվ: Երկխողովակ համակարգը այսօր համարվում է ամենահուսալի տարբերակը, թեև այն ունի մի փոքր, բայց արդարացված թերություն՝ մեծ քանակությամբ խողովակներ և ծախսվող նյութեր:
Էլեկտրական ջեռուցում
Եթե ինչ-ինչ պատճառներով այլ տեսակի ջեռուցման համակարգ անհնար է տեղադրել, ապա օգտագործվում են էլեկտրական ջեռուցման սարքեր: Դրանք կարող են լինել էլեկտրական կաթսաներ, օդորակիչներ, տաքացվող հատակներ, օդափոխիչի ջեռուցիչներ, կոնվեկտորներ, նավթային տաքացուցիչներ՝ այն ամենը, ինչի համար էլեկտրաէներգիան օգտագործվում է որպես ջերմության աղբյուր:
Եզրակացություն.
Այսօր յուրաքանչյուրն ինքն է ընտրում, թե որ ջեռուցման համակարգերն են հարմար իր բնակարանի, առանձնատան կամ գրասենյակի համար: Լավագույն տարբերակը ընտրելու համար պետք է հաշվի առնել բազմաթիվ գործոններ. Եթե դուք չունեք բավարար գիտելիքներ այս ոլորտում, ապա դիմեք մասնագետներին խորհրդատվության համար:
