Ձեր լվացարանն ավելի քան մեկ տարի «հավատարմորեն» ծառայել է, իսկ այժմ կորցրե՞լ վաղեմի ճերմակությունը։ Մի՛ անհանգստացեք, դա բոլորի հետ է պատահում: Եթե լվացարանը ծածկվել է կրային փառով, դա նշանակում է, որ ջրի մեջ շատ են կալցիումը և մագնեզիումը։ Իսկ եթե լվացարանի պատերին դեղնություն եք նկատել, դրա պատճառը երկաթի առատ քանակությունն է։ Հին խողովակները և մաշված ծորակները կհանգեցնեն ժանգոտման։ Միանշանակ, անբավարար խնամքը և ճիշտ ժամանակին մաքրումը դրական են ազդում լվացարանի վիճակի վրա։
Ինչպե՞ս նվազեցնել արտաքին գործոնների ազդեցությունը
Ծորակի վրա տեղադրեք հատուկ զտիչ և/կամ ջուրը փափկացնող միջոց, և խնդրի գերակշռող մասը կլուծեք։ Փոխեք ջրատար խողովակները և հնացած դետալները։ Մի՛ մոռացեք կանոնավոր խնամքի մասին։ Սպասքը լվանալուց հետո մաքրեք նաև խոհանոցի լվացարանը։ Լվացվելուց հետո մաքրեք նաև լոգարանի լվացարանը։ Այդ նպատակով օգտագործեք հատուկ մաքրող միջոցներ («Սիֆ», «Միստեր Մուսկուլ», «Սիլիտ» և այլն): Օգտակար սովորություն դարձրեք ամեն օգտագործումից հետո չորացնել լվացարանակոնքը և ծորակները։ Ավելի արդյունավետ է արտաքին գործոնները նվազեցնելը, քան փառի, ժանգոտման, դեղնացման և այլ աղտոտումների հետ շարունակ պայքարելը։
Ինչպե՞ս մաքրել լվացարանը
Եկե՛ք միասին վերլուծենք այս հարցը։ Տեսանյութերով գովազդվում են լվացարանների մաքրման և սպիտակեցման համար նախատեսված բազմաթիվ քիմիական նյութեր։ Համացանցը լի է տարատեսակ լայֆհաքերով։ Այս հոդվածում կթվարկենք բոլոր հասանելի միջոցները, իսկ Դուք ընտրեք Ձեզ ամենահարմարը։
Կենցաղային քիմիա
Միջոցներ ընտրելիս պետք է հաշվի առնել որոշ նրբություններ.
- Նյութ։ Հախճապակյա և ճենապակյա լվացարանների համար հարմար է, օրինակ՝ “Cillit Bang”-ը։ Գրանիտե սանիտարական տեխնիկայի համար՝ “Damestos”-ը: Բնական քարից լվացարանների դեպքում՝ “HG Wash&Shine”-ը։ Ապակյա լվացարանակոնքերին ավելի հարմար է ռուսական “Sanita” ապրանքանիշը։ Չժանգոտվող պողպատից լվացարանակոնքը կարելի է մաքրել գերմանական “TOP HOUSE”-ով։ Եթե Ձեր խոհանոցը և լոգարանը կահավորված են տարբեր նյութերից պատրաստված լվացարանակոնքերով, ապա կարելի է ձեռք բերել ունիվերսալ միջոցներ՝ “Mr Muscle”, “Cif”, “Comet” “Leifheit” “Чистин” և այլն։
- Խնդիր։ Օրինակ՝ կրային փառը վերացնելու համար շատ տնտեսուհիներ ընտրում են “Cif Антиналёт”կամ “Anti-Kalk Power”, իսկ դեղնացումը և ժանգը հիանալի հաղթահարում է Шуманит”-ը “Bagi Classic”-ից։
- Արդյունավետություն։ Լսեք մասնագետների խորհուրդները, ուշադրություն դարձրեք սպառողների արձագանքներին։
- Բաղադրություն և անվտանգություն։ Ուշադիր ուսումնասիրեք հրահանգները։ Եթե Դուք կամ Ձեր մտերիմները ալերգիա ունեք, ընտրեք հակաալերգիկ միջոցներ։ Օգտագործեք ձեռնոցներ և շնչառական սարքեր։
- pH մակարդակ։ Մինչև 5,5 հասնող pH-ով թթվային լուծույթը կօգնի հաղթահարել ինչպես ժանգը, այնպես էլ կրային և աղային փառը։
- Գին և որակ։ Ապրանքանիշի ընտրության ժամանակ մի՛ հիմնվեք բարձր արժեքի վրա։ Ոչ միայն թանկ նյութերն են արդյունավետ, կան շատ ավելի մատչելի տարբերակներ նմանատիպ արդյունքով։
- Շահագործման ժամկետ։ Ուշադրություն դարձրեք նշված կիրառման ժամկետին և պահմանման պայմաններին, քանի որ սխալ պահպանումը կարող է ազդել որակի վրա։
Կենցաղային քիմիայի միջոցների ընտրմանը գիտակցորեն մոտեցեք։ Հաշվի առեք Ձեր սեփական պահանջմունքները և ֆինանսական հնարավորությունները։
Ժողովրդական միջոցներ
Դիտարկենք այլընտրանքային մեթոդներ և հայտնի հայֆհաքեր:
- Կես բաժակ (120գ) սննդային սոդայի վրա լցրեք կիտրոնի հյութ (60մլ) և թողեք այդպես։ Այդ խառնուրդով մշակեք աղտոտվածությունները, թողեք 10 րոպե և լվացեք եռման ջրով։ Ավելի լավ արդյունքի համար ավելացրեք 120մլ սպիտակ քացախ։
- Մակերևույթին քսեք սպիտակեցնող ատամի մածուկ 15-20 րոպեով։ Կարելի է օգտագործել հին ատամի խոզանակ։ Ժամանակի լրանալուն պես մանրակրկիտ մաքրեք ջրով։
- Մի փոքր եռացրեք գազավորված ըմպելիքը (Coca Cola, Sprite) և փափուկ սպունգով շփեք լվացարանակոնքը։
- Ջրում լուծեք սպիտակեղենի համար նախատեսված սպիտակեցուցիչը 1/3 հարաբերակցությամբ, քսեք աղտոտված հատվածներին, թողեք 15 րոպե և մաքրեք։
- Փակեք ջրահոսման համակարգը, լվացարանում լցրեք եռման ջուր, ավելացրեք 5 ճաշի գդալ ամոնիակ, լավ խառնեք, թողեք կես ժամ և հոսեցրեք ջուրը։
Ցուցակն անվերջ կարելի է շարունակել։
Եզրակացություն
Լվացարանն ամենօրյա խնամքի կարիք ունի։ Ընտրեք հենց Ձեր լվացարանին հարմար մաքրման միջոց։ Շաբաթը մեկ անգամ իրականացրեք կանխարգելիչ միջոցառումներ: