Ցնցուղներն ու ծորակները լոգասենյակի կահավորման կարևոր բաղադրիչներից են, և դրանց ընտրությունից է կախված, թե որքան հարմարավետ կլինի ձեզ համար լոգասենյակից օգտվելը:
Լոգասենյակի ցնցուղի ընտրությունը
Դիտարկենք շուկայում առկա ցնցուղների տեսակները, որոնք հետևյալն են՝
- Դասական ցնցուղներ. Ճկուն խողովակով, ձեռքով օգտագործման հնարավորությամբ.
- Ներկառուցվող ցնցուղներ. Ամրացվում են հենց լոգախցիկի ներսում.
- Ձողով ցնցուղներ՝ տեղադրված հատուղ պահող հարմարանքի վրա:
Այս երեք տեսակներն էլ ունեն իրենց առանձնահատկությունները, առավելություններն ու թերությունները, իսկ թե ո՛րն ընտրել՝ մեծ մասամբ կախված է ձեր նախասիրությունից և լոգասենյակի դասավորվածությունից:
Ջրի հոսքի ու ջերմաստիճանի կարգավորման տեսանկյունից հիմնականում առանձնացնում են 3 դասի խառնիչներ՝ էկոնոմ, միջին և պրեմիում: Այս դեպքում որակը ուղիղ համեմատական է գնին: Մատչելի տարբերակներում բացակայում են ջրի խնայող ռեժիմը, ջերմաստիճանի կարգավորման ամենահարմար տարբերակները, դիզայներական գեղեցիկ լուծումները:
Լոգասենյակի ծորակի ընտրությունը
Լոգասենյակի ծորակի արդյունավետ ընտրության վրա ազդում են հետևյալ չափանիշները.
- Դիզայնը – ցանկալի է ընտրել լվացարանի և լոգարանի համար միևնույն դիզայնով ծորակներ:
- Լոգարանի չափը – փոքր լոգարանի դեպքում անհրաժեշտ է ընտրել կարճ քթով ծորակներ:
- Լվացարանի ձևը – ջրի շիթի սփռման անկյունը պետք է համապատասխանի լվացարանի պատերի կորությանը, որպեսզի ջուրը լվացարանից դուրս չցայտի:
Ընդհանուր խորհուրդներ
Լոգասենյակի ծորակներ ընտրելիս պետք չէ ընտրել թեթև քաշով տարբերակներ, քանի որ դրանք պատրաստված են լինում փխրուն մետաղյա համաձուլվածքներից: Ցանկալի է ընտրել արույրե ծորակ, քանի որ այն բավական երկարակյաց ու դիմացկուն է, կշռում է համեմատաբար ծանր: Արտաքին ծածկույթը՝ նիկել, քրոմ, էմալ, կարելի է ընտրել ելնելով ինտերիերի գույներից ու ոճից:
Լոգասենյակի ցնցուղ ու ծորակ գնելիս ցանկալի է նախապատվությունը տալ հավաքածուներին, որոնցում նախատեսված են բոլոր դետալները՝ միևնույն նյութից և միևնույն դիզայնով պատրաստված:
Արժե հիշել նաև համալրող դետալների, ցնցուղի գլխիկների և խողովակների, պահեստամասերի մասին, որոնց միջոցով հնարավոր է օպտիմալացնել ցնցուղներից ու ծորակներից օգտվելու հարմարավետությունը:
