Սանխտեխնիկա բառն ընդլայնված հասկացություն է: Ժամանակակից սանտեխնիկան մի շարք ապրանքների և գործիքների ամբողջականություն է, որոնք ապահովվում են ջրի, ջերմամատակարարման և կոյուղու համակարգերի անխափան աշխատանքը: Անհնար է պատկերացնել մեր կենցաղն առանց սանտեխնիկայի, լինի դա լոգարանում, թե խոհանոցում:

Սանտեխնիկայի տեսակները

Ոչ մի բնակելի, արտադրական կամ կոմերցիոն տարածք չի կարող առանց սանտեխնիկայի: Եկե՛ք առանձնացնենք սանտեխնիկայի 2 մեծ խումբ.

1. Կենցաղային սանտեխնիկա: Այս կատեգորիան ներառում է այն ամենը, ինչ ուղղակիորեն օգտագործվում է առօրյա կյանքում և տեղադրված է տարածքի ներսում՝ լվացարաններ, ցնցուղներ և լոգարաններ, ջակուզիներ, զուգարանակոնքեր, բիդեներ, ծորակներ, աքսեսուարներ և սանիտարահիգենիկ պարագաներ:

2. Ինժեներական սանտեխնիկա: Այս համակարգն ապահովում է կապի և կոմունալ ցանցերի լիարժեք ու անխափան աշխատանքը՝ խողովակներ, կցամասեր, ագույցներ, պոմպեր, փականներ, ֆիլտրեր, հաշվիչներ, կոլեկտորներ և այլն։

Նշում. Իրականում սրանք բոլորովին տարբեր տեսակներ են, և ոչ թե փոխարինում, այլ լրացնում են միմյանց։

Սանտեխնիկայի ընտրության չափանիշները

Սանտեխնիկայի ընտրության հարցում սխալներ թույլ չտալու համար պետք է հաշվի առնել որոշակի հանգամանքներ.

1. Բնակելի տարածքի տեսակը: Բնակարանների և առանձնատների համար սանտեխնիկա ընտրելիս առաջնությունը տալիս են միայն որակին, այլև հարմարավետությանը, դիզայնին և բացառիկությանը: Առևտրային և արդյունաբերական տարածքների դեպքում ընտրությունը կանգ է առնում այլ տարբերակերի վրա՝ հաշվի առնելով կոռոզիոն դիմադրությունը, ամրությունը, վնասվածքների դեմ դիմացկունությունը, արագ և ոչ ծախսաշատ վերանորոգման հնարավորությունը:

2. Սենյակի չափերը: Ինչ ինտերիերի մասին էլ որ երազեք, պետք է հաշվի առնեք սենյակի չափը։ Ունե՞ք փոքրիկ լոգարան: Նախապատվությունը տվեք կոմպակտ սանտեխնիկային, որպեսզի տարածքը ճնշող չլինի: Եթե Դուք ունեք ընդարձակ լոգարան, ապա կարող եք Ձեզ թույլ տալ տեղադրել ոչ միայն զուգարանակոնք, այլև բիդե և միզարան։

3. Ներդաշնակ համադրություն: Սանտեխնիկայի բոլոր տարրերը պետք է ներդաշնակ լինեն միմյանց հետ գույնով, ձևով, նյութով և դիզայնով:

4. Հումք: Սանտեխնիկական արտադրանքը պատրաստվում է տարբեր հումքերից՝ ճենապակի, կոմպոզիտ, մարմար և ապակի: Լոգարանները սովորաբար պատրաստված են չուգունից, պողպատից կամ ակրիլից:

5. Որակ: Գնեք սանտեխնիկա հայտնի և վստահելի արտադրողներից՝ մասնագիտացված խանութներում: Այս դեպքում Դուք կարող եք վստահ լինել արտադրանքի հուսալիության և երկարակեցության, ինչպես նաև անվտանգության բոլոր կանոնների և ստանդարտների պահպանման վրա:
Նշում. Եթե սանտեխնիկայի հետ կապված հարցեր ունեք, ապա դիմեք խորհրդատու մենեջերին: Նրանք Ձեզ կօգնեն գրագետ ընտրություն կատարել, կներկայացնեն ապրանքները և կպատասխանեն բոլոր հարցերին։

Սանտեխնիկական նյութեր

Սանտեխնիկայի փոխարինման կամ տեղադրման աշխատանքների ընթացքում օգտագործվում են տարբեր բաղադրիչներ և հումքեր: Դիտարկենք դրանցից մի քանիսը.
• ցնցուղի գլխիկներ
• սիֆոններ
• դրենաժներ (ջրահեռացման փականներ)
• ադապտերներ
• ցնցուղի վարագույրներ
• ջրիամիացման կցամասեր և այլն

Նշում. Սպառվող նյութերը պարբերաբար փոխարինման կարիք են ունենում, քանի որ դրանք երկարադիմացկուն չեն: Ցանկանու՞մ եք երկարաժամկետ օգտագործել. ընտրեք որակյալ ապրանք:

Եզրակացություն

Եկե՛ք ամփոփենք մեր հետազոտությունը: Սանտեխնիկան ժամանակակից հասարակության անբաժանելի մասն է և կարևոր դեր է խաղում մեր կյանքում: Մեզանից ոչ ոք չի կարող առանց ջրի և ջրային ընթացակարգերի, ինչը նշանակում է, որ լվացարանները, լոգարանները, զուգարանները և ջրամատակարարման այլ սարքավորումները մեկընդմիշտ մտել են մեր կյանք: Ըստ էության, ապահովելով արդյունավետ և անվտանգ ջրամատակարարում, սանտեխնիկան կարող է կանխել վարակների և հիվանդությունների տարածումը, պաշտպանել շրջակա միջավայրը և պահպանել ջրային ռեսուրսները:

Հուսով ենք, որ մեր հոդվածը օգտակար էր Ձեզ համար, և Դուք հեշտությամբ կարող եք գնել անհրաժեշտ սանտեխնիկա և բաղադրիչներ: