Մաքուր լվացարանը հաճելի, հիգիենիկ լոգարան և խոհանոց ունենալու առաջին գրավականն է։ Լվացարանի կանոնավոր մաքրումն օգնում է կանխել բակտերիաների կուտակումը, վերացնել տհաճ հոտը և երկար ժամանակ պահպանել մակերեսի գեղեցիկ տեսքը։ Ավելին, լոգարանի կամ խոհանոցի մաքրությունը լրացուցիչ հարմարավետության և կոմֆորտի զգացում է հաղորդում տան բնակիչներին։ Այնուամենայնիվ, ոչ ոք ապահովագրված չէ լվացարանի խցանումից, որը կարող է բավականին անհանգստություն պատճառել:
Խցանման հիմնական պատճառները
Խոհանոցային լվացարանի խցանումը սովորական երևույթ է, քանի որ այն մշտապես օգտագործվում է, և ներս կարող են ներթափանցել տարբեր աղտոտիչներ: Խցանման հիմնական պատճառներից են՝
- աղբի թափանցում (հիմնականում սննդի մնացորդներ).
- կրաքարի նստվածք.
- սառը ջրով սպասքի լվացում:
Խորհուրդ չի տրվում սպասքը լվանալ սառը ջրով, քանի որ այն ի վիճակի չէ քայքայելու ճարպային կուտակումները, որոնք էլ, նստելով խողովակների պատերին, խոչընդոտ են ստեղծում ջրի ազատ հոսքի համար։ Խողովակների սխալ տեղադրումը նույնպես կարող է հանգեցնել խցանումների:
Լվացարանի խցանումների դեմ պայքարի արդյունավետ տնային միջոցներ
Կան բազմաթիվ արդյունավետ միջոցներ, որոնք կօգնեն Ձեզ ինքնուրույն հաղթահարել այս խնդիրը։ Երբեմն, երբ հնարավոր չէ ձեռք բերել հատուկ միջոցներ, օգնության են հասնում պարզ նյութերը, որոնք կարելի է գտնել յուրաքանչյուրի տանը:
Եռման ջուր
Ամենաարդյունավետ և տարածված մեթոդներից մեկը, որը կօգնի հաղթահարել փոքր կենցաղային խցանումները, եռացող ջուրն է: Անհրաժեշտ է միացնել տաք ջրի ծորակը մոտ քսան րոպե։ Դրանից հետո խողովակի պատերի թեթեւ ճարպային նստվածքները պետք է որ լուծվեն: Եթե դա չի օգնում, կարող եք փորձել մեկ այլ տարբերակ: Նախ պետք է լվացարանն ազատել ջրից և օտար առարկաներից։ Այնուհետև պետք է եռացրած ջուրը մի քանի անգամ լցնել ջրահեռացման մեջ: Եթե առաջին անգամն անհաջող էր, ջուրը սառելուց հետո պետք է կրկնել ընթացակարգը։ Եթե իրավիճակը չփոխվի, խցանումը կարող է չափազանց լուրջ լինել, և պետք է դիմել պրոֆեսիոնալ միջոցների կամ մեխանիկական մեթոդների:
Կարևոր է հիշել, որ մաքրման այս տարբերակը կարելի է օգտագործել միայն մետաղյա խողովակների դեպքում: Պլաստիկե ջրահեռացման համակարգի դեպքում ջրի ջերմաստիճանը պետք է լինի 60 աստիճանից ցածր։
Աղ և սոդա
Առօրյայում օգտագործվող այս հասարակ նյութերի միջոցով կարելի է բացել թեթև խցանումները և վերացնել տհաճ հոտը։
- Բավական է մեկ բաժակ սոդան և կես բաժակ աղը լուծել ջրի մեջ և ստացված լուծույթը լցնել ջրահեռացման մեջ։ Այնուհետև պետք է սպասել տասնհինգ րոպե, ապա միացրել տաք ջրի ուժեղ հոսքը:
- Գիշերը այս մթերքները շաղ տալ խողովակի մեջ՝ թույլ չտալով, որ դրանք ջրով ողողվեն այդ ընթացքում, իսկ առավոտյան պարզապես տաք ջուր լցնել:
Հարկ է նշել, որ երբեմն սոդայի փոխարեն օգտագործվում է կիտրոնաթթու, որն աղի հետ միասին նույնպես արդյունավետ է։
Սոդա և քացախ
Լվացարանի խցանումներից հնարավոր է ազատվել 9% քացախը խառնելով կերակրի սոդայի հետ։ Նախ՝ անհրաժեշտ է լվացարանը չորացնելուց, հետո մի տուփ սոդա լցնել արտահոսքի մեջ և վրան լցնել քացախ (1 բաժակ): Որպեսզի ռեակցիան սկսվի, անհրաժեշտ է փակել արտահոսքը և թողնել կես ժամ: Դրանից հետո պետք է եռացած ջուր լցնել, իսկ եթե սիֆոնը պլաստիկից է, խորհուրդ է տրվում օգտագործել չափավոր տաք ջուր։
Բացի վերը նշված մեթոդներից, կարելի է կիրառել նաև մեխանիկական մեթոդներ՝
- մետաղյաժապավեններ.
- մխոց.
- մալուխ.
- ճկուն լիսեռ:
Ժամանակակից արտադրողներն առաջարկում են կենցաղային քիմիական նյութերի լայն տեսականի, որոնք կօգնեն լուծել լվացարանի խցանումները: Այնուամենայնիվ, ընտրությունը պետք է կատարվի՝ հաշվի առնելով աղտոտվածության աստիճանը, և թե ի՛նչ նյութից է պատրաստված սիֆոնը: Պետք է իմանալ, որ որոշ քիմիական խառնուրդներ չի կարելի լցնել պլաստիկի մեջ (որպես կանոն դա նշված է լինում փաթեթավորման վրա):
Եթե վերը նշված բոլոր մեթոդները չեն օգնում հեռացնել խցանումը, ապա անհրաժեծտ է դիմել փորձառու մասնագետների:
Խցանումից խուսափելու համար միշտ պետք է օգտագործել հատուկ պաշտպանիչ ցանց, որը կանխում է մնացորդների ներթափանցումն արտահոսքի անցքը: Մեկ այլ կիրառելի մեթոդ է հատուկ մանրացնող սարքով խցանման բացումը։
