Լոգարանը առանց հայելու թերի է, քանի որ բոլորը լոգարանի հայելու առջև են սկսում և ավարտում իրենց օրը։ Հետևաբար, հայելի ընտրելուց առաջ պետք է ուշադրություն դարձնել հայելիների տեսակներին և առանձնահատկություններին։ Տվյալ դեպքում մեր ամենօրյա խնամքը մի քանի անգամ կլինի հեշտ և հաճելի։
Ի՞նչ առանձնահատկություններ ունի լոգարանի հայելին
Շատերի մոտ հարց է առաջանում՝ արդյոք լոգարանի հայելին տարբերվո՞ւմ է սովորական հայելուց: Պետք է նշել՝այո: Եթե ձեզ հանդիպի լոգարանի հայելի, որը կորցրել է երբեմնի տեսքը՝ գունաթափվել է կամ ճաքեր են առաջացել վրան, ապա այն նախատեսված չի եղել լոգարանի համար։ Թվարկենք այն առանձնահատկությունները, որոնք պետք է ունենա լոգարանի հայելին․
Դիմացկուն – սովորական հայելիները չեն կարող դիմակայել լոգարանի խոնավ միջավայրին, ինչն ի վերջո կարող է հանգեցնել հայելու ճաքերին կամ գունաթափմանը:
Կոփված – այս հայելիները անցնում են հատուկ քիմիական կամ ջերմային մշակում, որպեսզի ջարդվելու դեպքում կտորնորը լինեն փոքր, անվնաս և բութ եզրերով։
Ժամանակակաից աշխարհում կատարելագործվելով՝ հայելիները ձեռք են բերել որոշակի հատկաշներ ևս.
Լուսավորություն – շատ լոգարաններ պատուհաններ չունեն և զերծ են բնական լուսավորությունից, իսկ լուսավորվող հայելիներն իդեալական են ամենօրյա խնամքի՝ սափրվելու, հարդարվելու կամ լվացվելու համար։
Տաքացվող – ամենամեծ առանձնահատկությունն այն է, որ տաքացվող հայելիները գոլորշիով չեն պատվում, այնպես որ ստիպված չեք լինի ամեն անգամ տաք լոգանք ընդունելուց հետո մաքրել հայելին կամ սպասել, որ գոլորշին մաքրվի լոգարանից։ Բացի դրանից, տաքացվող հայելին նպաստում է լոգարանը ջեռուցմանը։
Խոշորացված (խոշորացույց) – ներկառուցված լինելով լոգարանի հայելիների մեջ՝ մի քանի անգամ հեշտացնում են հոնքերի հարդարումը, մազահեռացումները կամ շպարումը։
Ի՞նչ տեսակներ ունի լոգարանի հայելին
Լոգարանի հայելու տեսակից է կախված գրեթե ամբողջ մթնոլորտը՝ էսթետիկան, լուսավորությունը և արտացոլման տարածքը։ Հայելու շատ տեսակենր կան․ Ձեզ ենք ներկայացնում ամենատարածված և կիրառելի տեսակները․
Դեկորատիվ – այս տարբերակը լավ գաղափար է լոգարանի պատերը զարդարելու համար։ Հայելիները հիանալի միջոց են ինտերիերի դիզայն ստեղծելու համար, քանի որ հիմնականում լոգասենյակները զերծ են նկարներից և այլ տեսակի արվեստի գործերից:
Կլոր հայելիները համարվում են ամենաէսթետիկ տեսակներից մեկը, ստեղծում են ավելի գրավիչ և եթերային զգացողություն։ Կլոր հայելին նաև հիանալի միջոց է լոգարանում տեսողական հետաքրքրություն հաղորդելու համար: Սուր անկյունների և եզրերի բացակայությունը ընդահուր ինտերիերին հաղորդում է փափկություն և նուրբություն։
Ուղղանկյուն հայելիները ամենատարածված տեսակներն են, հիանալի ընտրություն են երկար, նեղ պատերով լոգարանների համար՝ ստեղծելով սիմետրիկության զգացողություն ապահովում են համաչափություն: Հայելու երկարավուն ձևը նաև օգնում է ստեղծել ավելի մեծ և ընդարձակ լոգարանի պատրանք։
Ամբողջ պատի երկարությամբ, հատակից առաստաղ հայելու տեղադրումը կարող է ավելի մեծ տարածության պատրանք ստեղծել՝ լոգարանը դարձնելով ավելի բաց և ընդարձակ: Այս տարբերակը հատկապես արդյունավետ է փոքր լոգասենյակներում, որտեղ սովորականից շատ կահույք կամ դեկորներ կան։
Հայելի-պահարան տարբերակը իդեալական է լոգարանում առկա իրերը թաքցնելու, կամ ավելի շատ տարածք ազատելու համար։
Պատերի լայնությամբ տեղադրված հայելիները ստանում են մի ամբողջական հայելու տեսք, բայց բաղկացած են մի քանի կտորներից, ամրացված են ամբողջությամբ պատի ծածկույթի վրա՝ ստեղծելով ավելի պայծառ տարածության պատրանք: Հիանալի լուծում են այն լոգարանների համար, որոնք չունեն պատուհաններ և շատ փոքր են:
Հայելիները ունեն ներդաշնակության և գեղագիտության խորհրդանիշ, այդ իսկ պատճառովով էլ կատարելագործվում են ժամանակի համընթաց, իսկ տեսակները ավելանում են պարբերաբար։ Հայելի ընտրելուց առաջ ուշադի՛ր եղեք ամեն մանրուքի նկատմամբ, քանի որ հենց դրա միջոցով եք ապահովում Ձեր ամենօրյա հմայքը և գեղեցկությունը։
