Առանձնատուն կառուցելիս կամ կապիտալ վերանորոգման ժամանակ սեփականատերը մտածում է ջեռուցման և ջրամատակարարման համակարգի մասին։ Ժամանակակից աշխարհում առնվազն տարօրինակ կլինի, որ բացակայեն քաղաքակրթության տարրական պայմաններ՝ ջերմություն, տաք ջուր, էլեկտրականություն և գազ։ Օրինակ, եթե ունեք բուխարիով փոքրիկ առանձնատուն, ապա լոգանք ընդունելու, ձեռքերը լվանալու կամ սպասք լվանալու համար պարզապես անհրաժեշտ է գնել և տեղադրել ջրատաքացուցիչ։ Ո՞րն ընտրել:

Ջրատաքացուցիչների տեսակները. առավելություններն ու թերությունները

Ինչպես գիտեք, ամեն բան ունի դրական և բացասական կողմեր, ջրատաքացուցիչները բացառություն չեն: Եկե՛ք վերլուծենք հետևյալ տեսակները.
1. Ըստ ջերմակրի տեսակի: Էլեկտրական ջրատաքացուցիչները ոչ միայն էկոլոգիապես մաքուր և անվտանգ են, այլև չեն պահանջում տեղադրման թույլտվություն: Մինչդեռ գազով տարբերակների օգտագործման համար անհրաժեշտ են փաստաթղթեր լիազորված մարմիններից: Շատերին կարող է հետաքրքրել համակցված տարբերակը, երբ ձմռանը ջուրը տաքացվում է ջեռուցման կաթսայի հետ կապված ջերմակիր համակարգի միջոցով, իսկ ամռանը՝ տենի միջոցով:
2. Ըստ ձևի՝ քառակուսի, ուղղանկյուն և գլանաձև։ Իրականում ձևը ոչ մի ազդեցություն չունի ջրատաքացուցիչի աշխատանքի վրա, ուստի յուրաքանչյուրն ընտրում է ըստ իր նախասիրությունների և ինտերիերի դիզայնի:
3. Ըստ տեղադրման մեթոդի.
• պատին ամրացված – փոքր չափի, հուսալի և արագ տաքացնում է ջուրը
• հատակին տեղադրված – իր մեծ չափերի շնորհիվ (բաքի տարողությունը 80-ից 1000 լիտր) այն կարող է բավարարել նույնիսկ բազմանդամ ընտանիքներին
4. Ըստ ֆունկցիոնալության:
Հոսքային ջրատաքացուցիչները կոմպակտ են, գրեթե ակնթարթորեն տաքացնում են ջուրը, ապահովում են անսահմանափակ ջրի հոսք: Բայց միևնույն ժամանակ նրանք շատ էլեկտրաէներգիա են սպառում, իսկ ցածր հզորության դեպքում չեն կարողանում բավականաչափ լավ տաքացնել ջրի ուժեղ հոսք։ Իր հերթին, հոսքային ջրատաքացուցիչը, ըստ ջրամատակարարման մեթոդի, բաժանվում է 2 տեսակի.
• Ճնշումով – ջրամատակարարման մի քանի կետերի միաժամանակյա միացման համար (օրինակ՝ խոհանոցում և լոգարանում հնարավոր է միաժամանակ բարձր ջերմաստիճանի և միատեսակ ճնշման պայմաններում տաք ջուր օգտագործել):
• Առանց ճնշման ամբողջությամբ կարող են ապահովել միայն 1 միավոր (օրինակ, եթե ծորակը բացեք միանգամից 2 տեղ, ճնշումը կնվազի)։
Ի դեպ. Կախված օգտագործման նպատակից՝ հոսքային ջրատաքացուցիչները տարբերվում են ըստ հզորության։ Այսպիսով, ամենօրյա պրոցեդուրաների համար (լվացվել, ատամները խոզանակել, փոքր քանակությամբ սպասք լվանալ) պահանջվում է ընդամենը 3-5 կՎտ, իսկ լիարժեք օգտագործման համար՝ ավելի քան 20 կՎտ:
Կուտակային ջրատաքացուցիչները «խոնավ» տենով բաքեր են, երբ պարույրը, ինչպես կաթսան, ընկղմվում է անմիջապես ջրի մեջ, կամ՝ «չոր», երբ այն գտնվում է կոլբայի մեջ և չի շփվում ջրի հետ։ Իհարկե, երկրորդ տարբերակում ջեռուցումն ավելի դանդաղ է, բայց ավելի ապահով: Առավելությունն էներգիախնայումն է, իսկ թերությունը՝ ջրի ծավալն ու երկարատև ջեռուցումը։

Ջրատաքացուցիչների ընտրության չափանիշները

Այս հոդվածում մենք փորձեցինք ձեզ ծանոթացնել տարբեր տեսակի ջրատաքացուցիչների դրական և բացասական կողմերին: Անձնատան համար ջրատաքացուցիչ ընտրելիս հարց է առաջանում, թե ո՛րն է ավելի լավ՝ հոսքայի՞ն, թե՞ կուտակային տարբերակը: Այս հարցին պատասխանելու համար պետք է ուշադրություն դարձնել որոշ նրբությունների.
1. Չափերը. գազով աշխատող և էլեկտրական հոսքային ջրատաքացուցիչները հարմար են, քիչ տեղ են զբաղեցնում և թեթև են, մինչդեռ կուտակային ջրատաքացուցիչների չափը կախված է բաքի ծավալից (այսինքն՝ որքան մեծ է բաքը, այնքան ավելի շատ տեղ է զբաղեցնում ջրատաքացուցիչը):
2. Արժեքը. այսօր շուկայում այնպիսի լայն տեսականի կա, որ գնորդը կարող է ընտրել ցանկացած գնային սեգմենտի ջրատաքացուցիչ՝ ելնելով իր բյուջեից։
3. Անվտանգություն. հզոր հոսքային ջրատաքացուցիչները չեն կարող միացվել թույլ լարերի: Հետևաբար, նախ՝ նպատակահարմար է տեղադրել եռաֆազ մետաղալար՝ հողակցմամբ և անջատիչով:
Վերջում ավելացնենք, որ միայն դուք կարող եք որոշել, թե ինչ ընտրել։ Հաշվի առեք վերը նշված բոլոր համեմատական բնութագրերը և եզրակացություն արեք, թե որ ջրատաքացուցիչն է լավագույնը ձեր առաձնատան համար: